Alexandri Xaverii Panel, è Societate Jesu Presbyteri, regiis infantibus à studiis, regi catholico à veterum nummorum supellectili, De Nummis exprimentibus undecimum Treboniani Galli Augusti annum ; de [...]

Monnaies frappées de la 11ème année de l'empereur Trébonien, etc.
Ouvrage qui donne une description et une analyse détaillée de monnaies qui ne sont pas représentées. Classé par ordre chronologique et par aire géographique.

Introduction, lettre à D. comte d'Etling : “Quae tria proponis interpretanda numismata, vir illustrissime, nec obvia sunt, nec obviae interpretationis. Neque mirum profecto, si cum iis, qui circumferuntur, Historiae Augustae scriptoribus conciliare nequeas consignatum in numismatis illis undecimum Treboniani Galli augusti ; decimum tertium, et decimum quartum, Aemiliano imperante, coloniae Viminacii annum ; undecimum denique Valeriani senioris. Temporum illorum ratio, si quid certi scire velis, ab unis tibi nummis repetenda est. Ut unus omnes, ita hominem unum omnes homines in errorem numquam inducturi sunt. De Augustorum annis quod Africa, quod Asia, quod Europa suis in monetis ex auro, argento et aere consignatum annuatim reliquerunt, habeo mihi polliceri longè majoris apud te fore ponderis, et momenti, quàm quod de annis iisdem somniavit, quem appellas, Dexippus, aut quilibet alter ejusdem furfuris nebulo.
Ad statuendum coloniae Viminacii in Moesia decimum tertium, et decimum quartum annum, statuendi mihi prius videntur anni Gordiani Pii Felicis Augusti : istum enim retulit acceptum haec colonia conditorem. Successorum ejus in Imperio subsequentes annos ad Gallieni Augusti duodecimum usquè, subnectam, cum numismatum, uti rogas, apparatu tempora certo consignantium. Sci, ut opinor, a me satisfactum erit praemonito tamen de Illyrici et Europaeorum more annum inchoandi à Kalendis Januariis, Graecorumque et Aegyptiorum ab autumno subsequente Natalem Urbis, seu XI. Kal. Maïas, quo die Caesaribus Romae conserebatur Tribunicia Postestas. E latinis autem, quos appellaturus sum, nummis facile cognoveris quanti faciendi sint illi, quos Tribunicia Potestate, et Consulatibus insignitos nancisci contigerit. Illos plerosque tamen, rarissimos licet, et omni auro contra pretiosiores in suis libris desiderari passi sunt, quorum omnis peritia in aestimandis ambitiosius numismati praestantioribus eo collimat, ut pecuniam ab eruditis viris emungant...”